VIDEO: კეინის ჰეთ-თრიქი და ოლისეს დუბლი - ბაიერნმა ლაიფციგი გაანადგურა

გერმანიის ბუნდესლიგის 2025-26 წლების სეზონი დაიწყო.

სეზონის გახსნით მატჩში მოქმედმა ჩემპიონმა, ბაიერნმა ალიანც არენაზე ლაიფციგი მიიღო და 6-0 გაანადგურა.

მიუნხენელებმა პირველ ტაიმში 3 გოლის გატანა მოახერხეს. 27-ე წუთზე ანგარიში მაიკლ ოლისემ გახსნა. 32-ე წუთზე ბუნდესლიგაში თავისი სადებიუტო გოლი გაიტანა ლუის დიასმა, 42-ე წუთზე კი ოლისემ დუბლი შეასრულა.

მეორე ტაიმში ჰარი კეინის ბენეფისი ვიხილეთ, რომელმაც ჰეთ-თრიქი შეასრულა. ინგლისელმა თავდამსხმელმა გოლები 64-ე, 74-ე და 78-ე წუთებზე გაიტანა და საბოლოო ანგარიში 6-0 დააფიქსირა.

ვინსენ კომპანის გუნდმა ახალი სეზონი გამანადგურებელი ანგარიშით დაიწყეს და პირველივე ტურში მნიშვნელოვანი განაცხადი გააკეთეს.

27' ოლისე 1-0

32' დიასი 2-0

42' ოლისე 3-0

64' კეინი 4-0

74' კეინი 5-0

78' კეინი 6-0