VIDEO: კიტეიშვილის ასისტი - შტურმმა ზალცბურგში ქულა გადაარჩინა

ავსტრიის ბუნდესლიგის საჩემპიონო ჯგუფის 30-ე ტურში, ქართველების შტურმ გრაცმა სტუმრად ზალცბურგთან 1:1 ითამაშა.

ზალცბურგელები 22-ე წუთიდან იგებდნენ, თუმცა შტურმმა 93-ე წუთზე მას შემდეგ გაათანაბრა, რაც ოთარ კიტეიშვილმა აქსელ კაიომბოს საგოლედ დაუგორა და მანაც ანგარიში გაათანაბრა.

აღსანიშნავია, რომ კიტეიშვილმა ცვლილებაზე ითამაშა - მოედანზე 73-ე წუთზე შევიდა და გიზი მამაგეიშვილი ჩაანაცვლა.

კიტეიშვილს ბომბარდირთა დავაში რიდის ზამბიელი თავდამსხმელი, კინგსტონ მუტანდვა წამოეწია - 14-14 გოლი აქვთ.

რაც შეეხება თავად შტურმს, გუნდმა ბუნდესლიგის ბოლო 7 ტურში მე-6 ფრე ითამაშა, თუმცა ამ დრომდე ლიდერობას მაინც ინარჩუნებს. ოღონდ, მე-2 ადგილოსან ლასკ-ს დღეს სათამაშო აქვს და გალიდერებას შეეცდება.

გრაცელები მომდევნო ტურში, 10 მაისს, საჩემპიონო ჯგუფის ბოლო, მე-6 ადგილოსან ჰარტბერგს ესტუმრებიან.