VIDEO: კრიშტიანუ რონალდუს დუბლი უნგრეთთან და მორიგი რეკორდი
9 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
2026 წლის მსოფლიო ჩემპიონატის საკვალიფიკაციო ეტაპის მატჩში პორტუგალიამ უნგრეთს უმასპინძლა.
შეხვედრაში ანგარიში მე-8 წუთზე ატილა სალაიმ გახსნა, 22-ე წუთზე კრიშტიანუ რონალდუმ გაათანაბრა, ტაიმის ბოლოს კი პორტუგალიელთა კაპიტანმა დუბლი შეასრულა და მასპინძლები წინ გაიყვანა.
რობერტო მარტინესის გუნდი მოგებასთან ახლოს იყო, თუმცა მეორე ტაიმის კომპენსირებულ დროში დომინიკ სობოსლაიმ ანგარიში გაათანაბრა და პორტუგალიიდან უნგრეთმა ქულა წაიღო.
ეს მატჩი გამორჩეული იყო კრიშტიანუ რონალდუსთვის, რომელიც შესრულებული დუბლით მსოფლიო ჩემპიონატის საკვალიფიკაციო ეტაპების ყველა დროის საუკეთესო ბომბარდირი გახდა.
რონალდუმ გვატემალელი კარლოს რუისის რეკორდი მოხსნა, რომელსაც მუნდიალის შესარჩევებში 39 გოლი ჰქონდა გატანილი, კრიშტიანუს კი უკვე 41 გოლი დაუგროვდა. პორტუგალიელ ლეგენდას კარიერაში 948 გოლი აქვს, ეროვნულ ნაკრებში კი - 143.
პორტუგალია ჯგუფში 4 მატჩის შემდეგ 10 ქულა აქვს და პირველ ადგილზეა, უნგრეთი კი 5 ქულით მე-2 პოზიციას იკავებს.
მომდევნო მატჩს მარტინესის გუნდი სტუმრად ირლანდიაში 13 ნოემბერს გამართავს, უნგრეთი კი იმავე დღეს სომხეთს ეწვევა.
