ჟერარ პიკემ კრიშტიანუ რონალდუს წინააღმდეგ თამაში გაიხსენა.
„კრიშტიანუ? ის ყველაფერში სრულყოფილი იყო. ნამდვილი საფეხბურთო მანქანა. კრიშტიანუს წინააღმდეგ თამაში ძალიან რთული იყო.
მას ყველაფერი ჰქონდა: მარჯვენა ფეხი, მარცხენა ფეხი, თავით თამაში, პენალტები, საჯარიმოები, ძალა, სიჩქარე… აბსოლუტურად ყველაფერი.
ის იდეალურ მოთამაშედ იყო ჩამოყალიბებული.“ - განაცხადა ესპანელმა მცველმა.
შეგახსენებთ, რომ პიკე და რონალდუ თანაგუნდელებიც იყვნენ მანჩესტერ იუნაიტედში, შემდეგ კი ელ კლასიკოში ერთმანეთს მრავალჯერ დაუპირისპირდნენ.
