ქართული ფეხბურთის ისტორიაში პირველად, ჩემპიონთა ლიგის პლეი-ოფის მატჩში ერთმანეთის წინააღმდეგ ქართველმა ფეხბურთელებმა ითამაშეს - ხვიჩა კვარაცხელიას პსჟ-მ გიორგი მამარდაშვილის ლივერპული 2:0 დაამარცხა.
პარიზელები დეზირე დუემ მე-10 წუთზე დააწინაურა, რასაც მეორე ნახევარში ხვიჩა კვარაცხელიას ულამაზესი სოლო გოლი მოჰყვა. საერთოდ, კვარა გამორჩეული იყო, მაგარი თამაში ჩაატარა და უეფა-მ მატჩის საუკეთესო ფეხბურთელადაც დაასახელა.
კვარაცხელია, კილიან მბაპეს შემდეგ (2022 წ.), პსჟ-ს პირველი ფეხბურთელია, რომელმაც ჩემპიონთა ლიგის ზედიზედ 4 მატჩში გაიტანა - მონაკოსთან, ჩელსისთან ორივე შეხვედრაში და ლივერპულთან.
რაც შეეხება მამარდას, მას 4 სეივი ჰქონდა და, სხვადასხვა ვებგვერდების მიხედვით, ლივერპულელთაგან ყველაზე მაღალი შეფასება სწორედ მან მიიღო.
პსჟ-მ, ენფილდზე ჩასვლის წინ, 2-ბურთიანი უპირატესობა მოიპოვა - გუნდები საპასუხო მატჩს 14 აპრილს ითამაშებენ და 1/2 ფინალისტს გამოავლენენ.
