საფრანგეთის სუპერთასის მატჩში ლანსი პარი სენ-ჟერმენს დაუპირისპირდა.
პარიზელთა სასტარტო შემადგენლობაში იყო ხვიჩა კვარაცხელია, რომელმაც მოედანზე 70 წუთი გაატარა და შემდეგ სენი მაიულუმ შეცვალა.
შეხვედრაში ანგარიში 32-ე წუთზე ლანსის კაპიტანმა ფლორიან ტოვინმა გახსნა და თავის გუნდს პირველი ტაიმი მოაგებინა.
39-ე წუთზე უეში თამაშის გამო კილიან ანტონიომ პირდაპირ წითელი ბარათი მიიღო და ლანსი რთულ ვითარებაში ჩავარდა.
მთელი მეორე ტაიმი დინო ტოპმიულერის გუნდს 10 კაცით თამაში მოუწია, თუმცა პარი სენ-ჟერმენმა ამით ვერ ისარგებლა.
87-ე წუთზე კი ნუნუ მენდეშმაც მეტოქის სახეში იდაყვის ჩარტყმის გამო პირდაპირ წითელი ბარათი მიიღო და ანგარიში ამ მხრივ გათანაბრდა.
საბოლოოდ ლანსმა მინიმალური სხვაობით იმარჯვა და ისტორიული გამარჯვება მოიპოვა - გუნდმა საფრანგეთის სუპერთასი ისტორიაში პირველად მოიპოვა.
![კვარა მორიგი ტიტულისთვის - პსჟ vs ლანსი [სავარაუდო შემადგენლობები]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2Fe437337d-6a19-4f2b-bef7-06a391075156&w=3840&q=75)
