VIDEO: ლიდერობის დაკარგვის საფრთხე - რეალმა ოსასუნასთან წააგო

ესპანეთის ლა ლიგის 25-ე ტურში ოსასუნამ საკუთარ ელ სადარზე მადრიდის რეალი მიიღო.

პირველი ტაიმი მასპინძლების გამარჯვებით დასრულდა. 38-ე წუთზე პენალტი ზუსტად ანტე ბუდიმირმა შეასრულა და ანგარიში გახსნა.

73-ე წუთზე ფედე ვალვერდემ რამდენიმე მეტოქე მოატყუა და საჯარიმოში ჩააწოდა, ანგარიში კი ვინისიუს ჟუნიორმა გაათანაბრა.

90-ე წუთზე ოსასუნამ გამარჯვების გოლი გაიტანა. პამპლონელებმა რაულ ასენსიოს შეცდომით ისარგებლეს, რაულ მოროს პასის შემდეგ რაულ გარსიამ ესპანელი მცველი ეფექტურად ჩამოიშორა და ოსასუნას 3 ქულა მოუტანა.

მადრიდის რეალმა, რომელიც წინა ტურში ბარსელონას წაგების შემდეგ ლა ლიგაში გალიდერდა, შესაძლოა ლიდერობა დაკარგოს, თუ ბლაუგრანამ ლევანტეს დამარცხება შეძლო.

რაც შეეხება ოსასუნას, ელ სადარის ბინადრებმა ამ მოგებით 33 ქულა დააგროვეს და მე-9 ადგილზე იმყოფებიან.

38' ბუდიმირი 1-0

73' ვინი 1-1

90' გარსია 2-1