ყაზახეთის პრემიერ ლიგის მე-12 ტურში, ქართველების ჟენისმა ბოლოადგილოსან კასპიი აკტაუსთან 1:0 მოიგო.
სრულად ითამაშა ზურაბ თევზაძემ, ელგუჯა ლობჯანიძემ კი მოედანზე 52 წუთი გაატარა და გამარჯვებაში მნიშვნელოვანი წვლილი ჰქონდა - საგოლე გადაცემა გააკეთა.
ქართველი თავდამსხმელისთვის მიმდინარე სეზონის მე-10 თამაშში მე-2 საგოლე მოქმედებაა - წინა ტურშიც ასისტი გააკეთა, იელიმაისთან.
ლობჯანიძე ჟენისს გასულ ზაფხულს შეუერთდა და სეზონის მეორე ნახევარში ჩატარებულ 11 თამაშში 4 გოლითა და 1 ასისტით დაეხმარა.
ჟენისს, რომლის განაცხადში ლუკა იმნაძე არ ყოფილა, 16 ქულა აქვს და საუკეთესო ოთხეულს 4 ქულით ჩამორჩება. მომდევნო ტურში, 14 ივნისს, მე-6 ადგილოსან ულიტაუს ესტუმრებიან.
