VIDEO: სენსაცია შენგელიაზე - ტორპედოს 11-მატჩიანი წაუგებელი სერია გაგრამ შეუწყვიტა
29 მაი, 2026 · 0 წთ წასაკითხად
-
Aa
+
ფონტის ზომა
ეროვნული ლიგის მე-16 ტურის გახსნით მატჩში, ერთ-ერთმა აუტსაიდერმა გაგრამ მე-2 ადგილოსან ტორპედო ქუთაისს სტუმრად მოუგო და დაუმარცხებელი სერია შეაწყვეტინა - 2:1.
გაგრელები ილია სკრიპნიკმა მე-2 წუთზე დააწინაურა, რასაც 13 წუთში უპასუხა მიმდინარე ჩემპიონატის ბომბარდირმა, კომნენ ანდრიჩმა, რომელმაც სეზონში მე-7 გოლი გაიტანა.
როგორც შემდეგ აღმოჩნდა, გამარჯვების მომტანი გოლი 21-ე წუთზე დავით მუჯირმა შეაგდო - მახვილი კუთხიდან აწვდიდა, თუმცა მეკარეს არასათანადო პოზიცია ჰქონდა და ბურთი კარში შევარდა.
გორის დილასთან მოგების შემდეგ, გაგრამ ზედიზედ მეორე ტურში აიღო 3 ქულა, 17 მოაგროვა, კვლავ მე-9 ადგილზეა, თუმცა დასარჩენ ზონას უკვე 3 ქულითღა ჩამორჩება. 14 ივნისს, დინამო თბილისს უმასპინძლებენ.
ტორპედომ 16 მარტის შემდეგ პირველად წააგო, გუნდის 11-მატჩიანი (6 მოგება, 5 ფრე) დაუმარცხებელი სერია შეწყდა. შედეგად, 26 ქულა აქვთ და იბერია 1999-ის გადასწრების შანსი ხელიდან გაუშვეს. 13 ივნისს, იმერულ დერბიში სამგურალს ეწვევიან.
