მინიფეხბურთის ევროპის ჩემპიონატი - საქართველომ ესპანეთთან ფრედ ითამაშა

სლოვაკეთის დედაქალაქ ბრატისლავაში მიმდინარე მინიფეხბურთის ევროპის ჩემპიონატზე, საქართველოს ნაკრებმა მეორე შეხვედრა გამართა.

ჩვენმა გუნდმა ესპანეთის ნაკრებთან ითამაშა და მეტოქეს 0:0-ით დაშორდა. იმის გათვალისწინებით, რომ პირველ ტურში ინგლისის ნაკრებს 1:0 მოუგეს, ახლა ჯგუფში მომგებიან პოზიციაზე არიან.

საქართველოს ნაკრები ჯგუფური ეტაპის დასკვნით, მე-3 ტურის შეხვედრას რუმინეთის წინააღმდეგ ჩაატარებს - 30 მაისის 19:15 საათიდან პირდაპირი რეპორტაჟი პირველ არხზეა.

სლოვაკეთში მიმდინარე ევროპის ჩემპიონატი 26 მაისს დაიწყო და 4 ივნისამდე გაგრძელდება.