VIDEO: მაჰრეზის დუბლი - ალჟირმა აფრიკის თასი სუდანთან მოგებით დაიწყო

აფრიკის თასის პირველ ტურში ალჟირი სუდანს დაუპირისპირდა და 3-0 დაამარცხა.

შეხვედრაში ანგარიში სწრაფი გოლით გაიხსნა. მე-2 წუთზე ალჟირი რიად მაჰრეზმა დააწინაურა.

39-ე წუთზე სუდანელების მდგომარეობა კიდევ უფრო დამძიმდა. ადილ სალაჰელდინმა მეორე ყვითელი ბარათი მიიღო და თავისი გუნდი კაცნაკლული დატოვა.

61-ე წუთზე რიად მაჰრეზმა დუბლი შეასრულა და ალჟირელთა უპირატესობა ორ ბურთამდე გაზარდა. 85-ე წუთზე კი მატჩს წერტილი იბრაჰიმ მაზამ დაუსვა და საბოლოო ანგარიში (3-0) დააფიქსირა.

E ჯგუფს პირველი ტურის შემდეგ ალჟირი და ბურკინა ფასო 3-3 ქულით ლიდერობენ. ამ უკანასკნელმა ეკვატორულ გვინეას მოუგო 2-1. მომდევნო ტურში ალჟირი სწორედ ბურკინა ფასოს დაუპირისპირდება. მატჩი 28 დეკემბერს გაიმართება.