VIDEO: მამარდამ 67 წუთი ითამაშა - ლივერმა ამხანაგურ მატჩში სანდერლენდს მოუგო

პრემიერ ლიგის საზაფხულო სერიის ეგიდით, ლივერპულმა სანდერლენდის წინააღმდეგ ითამაშა და 4:2 გაიმარჯვა.

გიორგი მამარდაშვილმა მატჩი ძირითადი შემადგენლობიდან დაიწყო და მოედანზე 67 წუთი გაატარა - შემდეგ ფრედერიკ ვუდმენმა ჩაანაცვლა. ალისონ ბეკერი, მსოფლიო ჩემპიონატის შემდეგ, შვებულებაშია და გუნდს მომავალი კვირის დასაწყისში დაუბრუნდება, რათა ამერიკულ ტურნეში გაემგზავროს.

მამარდას შავმა კატებმა 2 გოლი გაუტანეს, ერთხელ სეივი შეასრულა - მისი მოედნიდან გასვლისას, ანგარიში 2:2 იყო.

საერთოდ, მერსისაიდელებმა გადახალისებული შემადგენლობით ითამაშეს, სასტარტო თერთმეტეული ასეთია: მამარდაშვილი, ფრიმპონგი, გომესი, ნდიაიე, ციმიკასი, ჯოუნსი, მაკკონელი, მორისონი, ელიოტი, ნგუმოა, რაითი. სხვებთან ერთად, მეორე ტაიმში შევიდნენ მილოშ კერკეზი, ფედერიკო კიეზა და დომინიკ შობოშლაი.

პრემიერ ლიგის საზაფხულო სერიის ეგიდით, ლივერი კიდევ 2 ამხანაგურ შეხვედრას გამართავს - 30 ივლისს, ვრექსემთან და 3 აგვისტოს, ლიდსთან.

ანდონი ირაოლას გუნდს პრემიერ ლიგის პირველი ტურის მატჩი 23 აგვისტოს აქვს, სტუმრად ნიუკასლთან.