VIDEO: მამუს ბაზერ ბითერი და 17 ქულა - ლეიკერსმა პირველად წააგო
3 სთ წინ · 0 წთ წასაკითხად
-
Aa
+
ფონტის ზომა
პორტლენდ ტრეილ ბლეიზერსმა ლოს ანჯელეს ლეიკერსი 136:129 დაამარცხა და სეზონში წაუგებელი სერია გააგრძელა.
ჯა მორანტმა და დენი ავდიამ 23-23 ქულა ჩააგდეს, დემიან ლილარდმა კი 21 ქულა მიითვალა და მატჩის დასრულებამდე 43 წამით ადრე უმნიშვნელოვანესი სამქულიანი ჩააგდო.
ლუკა დონჩიჩმა 41 ქულა და 9 შედეგიანი გადაცემა მიითვალა, თუმცა მისი გუნდი მიმდინარე სეზონში პირველად დამარცხდა.
პორტლენდის შემადგენლობაში ჯრუ ჰოლიდეიმ 22 ქულა ჩააგდო. ბლეიზერსმა კი ბოლო 15 წლის განმავლობაში სეზონი ზედიზედ 3 გამარჯვებით მეორედ დაიწყო.
ახალი მთავარი მწვრთნელის, მაიკა ნორის ხელმძღვანელობით, პორტლენდი კვლავ დაუმარცხებელია. გუნდმა შეხვედრის დასკვნითი მონაკვეთი 15:8 მოიგო და გამარჯვება გაიფორმა.
ლეიკერსის რიგებში ოსტინ რივზმა 26 ქულა დააგროვა, ხოლო სანდრო მამუკელაშვილმა გუნდს 17 ქულა შესძინა და თავის გუნდში ქულებით მე-3 საუკეთესო შედეგი დააფიქსირა.
ლეიკერსს შეხვედრის დასაწყისში სანდრომ მნიშვნელოვანი დახმარება გაუწია, რომელმაც პირველ ტაიმში 13 ქულა დააგროვა. ქართველმა კალათბურთელმა პირველი ნახევარი ბოლო წამზე ჩაგდებული სამქულიანით დაასრულა.
Sandro Mamukelashvili vs Blazers 17PTS-4REB-2AST-1BLK-6/9FG-3/4 3PT https://t.co/8REjbw0VT2
