VIDEO: მამუს მე-4 ყველაზე შედეგიანი მატჩი სეზონში - ტორონტო ბოსტონთან დამარცხდა
08 დეკ, 2025 · 0 წთ წასაკითხად
-
Aa
+
ფონტის ზომა
სანდრო მამუკელაშვილმა NBA-ის მიმდინარე რეგულარულში თავისთვის მე-4 ყველაზე შედეგიანი მატჩი ჩაატარა. მისი ტორონტო შინ ბოსტონთან 113:121 დამარცხდა.
მამუმ 23:16 წუთი ითამაშა და საკუთარ გუნდს 14 ქულა და 6 მოხსნა შესძინა. 8-დან 5 ორქულიანი, 2-დან 1 სამქულიანი და 1-დან 1 საჯარიმო ჩააგდო.
ქულების მხრივ, მიმდინარე სეზონში ამაზე უკეთესი მატჩი 3-ჯერ ჰქონდა - მილუოკისთან 15 ქულა მიითვალა, დალასთან 16 ქულა ჩააგდო, ხოლო ვაშინგტონთან 23 ქულით გამოირჩა.
ტორონტოელებს 30 ნოემბრიდან მოყოლებული ჩავარდნა დაეწყოთ და ბოლო 6-დან 5 შეხვედრაში დამარცხდნენ. შედეგად, აღმოსავლეთ კონფერენციის მე-4 პოზიციამდე დაეშვნენ.
10 დეკემბრის 05:30 საათზე, რეპტორსი ერთ-ერთ უშუალო კონკურენტ ნიუ იორკ ნიქსს საკუთარ დარბაზში მიიღებს.
