VIDEO: მე-8 გოლი ლა ლიგაში - ვილიარეალმა მიქაუტაძის გოლით მოიგო
7 სთ წინ · 0 წთ წასაკითხად
-
Aa
+
ფონტის ზომა
ესპანეთის ლა ლიგის მე-16 ტურის გადადებულ მატჩში ვილიარეალი ვალენსიას ეწვია.
სტუმართა სასტარტო შემადგენლობაში იყო გიორგი მიქაუტაძე, რომელმაც მოედანზე 89-ე წუთი გაატარა. მატჩის ერთადერთი გოლი სწორედ ქართველმა თავდამსხმელმა გაიტანა და ვილიარეალს 3 ქულა მოუტანა.
მიქაუტაძემ 57-ე წუთზე ნიკოლა პეპეს პასის შემდეგ ვალენსიელთა კარი აიღო, რომელშიც მეკარე არ იდგა, თუმცა მას 2 მოთამაშე იცავდა.
გიორგიმ გოლის გატანა ზედიზედ მე-3 მატჩში შეძლო, სულ კი ლა ლიგის მიმდინარე სეზონში 8 გოლი დაუგროვდა და ამ მაჩვენებლით ვინისიუს ჟუნიორს, კუჩო ერნანდესსა და რაფინიას გაუთანაბრდა.
რაც შეეხება ვილიარეალს, მარსელინოს გუნდი 48 ქულით მე-3 ადგილზეა და მდევარ ატლეტიკოს 3 ქულით უსწრებს.
