VIDEO: პირველი სასტარტო და საგოლე მოქმედება - გაგნიძის გამორჩეული მატჩი გრანადაში

ლუკა გაგნიძის გრანადამ, ესპანეთის სამეფო თასის 1/64 ფინალურ ეტაპზე, როდა სტუმრად 5:1 გაანადგურა და შემდეგ რაუნდში გავიდა.

ქართველი ნახევარმცველი გრანადელთა ძირითად შემადგენლობაში პირველად მოხვდა და საგოლე გადაცემაც მიითვალა.

41-ე წუთზე, როცა გრანადა ჯერ მხოლოდ 1:0-ს იგებდა, გაგნიძემ მარცხენა ფლანგიდან გადაცემა გაუკეთა თანაგუნდელ სერხიო როდელასს, რომელმაც ანგარიშში სხვაობა 2 ბურთამდე გაზარდა.

გაგნიძემ, რომელსაც აქამდე გუნდის მაისურით 5-ვე შეხვედრა შეცვლებზე ჰქონდა ნათამაშები, მოედანზე 90 წუთი გაატარა.

გრანადას მომდევნო მეტოქე წილისყრის შედეგად გაირკვევა.