VIDEO: რა შედეგით დაასრულა U21-მა ევროს შესარჩევის ჯგუფი?
1 სთ წინ · 0 წთ წასაკითხად
-
Aa
+
ფონტის ზომა
საქართველოს 21-წლამდელთა ნაკრებმა ევრო 2027-ის საკვალიფიკაციო ეტაპი დაასრულა.
მე-10 ტურის მატჩი ბილეფელდში, გერმანიის ახალგაზრდული გუნდის წინააღმდეგ გამართეს და 0:2 დამარცხდნენ. ორივე გოლი შტუტგარტის ფორვარდ ძენან პეიჩინოვიჩის ანგარიშზეა.
გერმანელებს მთელი შეხვედრის განმავლობაში სოლიდური უპირატესობა ჰქონდათ, ჩვენმა გუნდმა კი რამდენიმე სწრაფი შეტევა განახორციელა, თუმცა რეალურ მომენტამდე საქმე არ მისულა (კარშიც ზუსტად არ დაურტყამთ).
შედეგად, საქართველოს 21-წლამდელთა ნაკრებმა 10 ტურში ამდენივე ქულა მოაგროვა, ჯგუფში მხოლოდ მალტასა და ლატვიას აჯობა და მე-4 ადგილი დაიკავა - გერმანია პირველზე გავიდა, საბერძნეთი მას ურთიერთშეხვედრათა ბალანსით ჩამორჩა, ხოლო მესამე პოზიცია ჩრდილოეთ ირლანდიის ნაკრებს დარჩა.
გერმანელები ევრო 2027-ის ფინალურ ეტაპზე მოხვდნენ, ხოლო ბერძნებს საკვალიფიკაციოს პლეი-ოფის თამაში მოუწევთ.
ზედიზედ ორ ევროპის ჩემპიონატზე მონაწილეობის შემდეგ, საქართველოს ახალგაზრდული ნაკრები მთავარ კონტინენტურ ფორუმზე ამჯერად არ იქნება.
ევრო 2027 ალბანეთსა და სერბეთში, 17 ივნისიდან 4 ივლისის ჩათვლით, ჩატარდება.
