VIDEO: სეტის წაუგებლად - ალკარასი ვენის ტურნირის ჩემპიონია
6 სთ წინ · 0 წთ წასაკითხად
-
Aa
+
ფონტის ზომა
კარლოს ალკარასმა ვენაში გამართული ტურნირი იდეალურად დაასრულა და ფინალურ შეხვედრაში შთამბეჭდავი გამარჯვება მოიპოვა.
ATP-ის რეიტინგის მე-3 ნომერმა ფინალში ალექს დე მინორი 2 სეტში, 6:1, 6:4 დაამარცხა და ჰარდის საფარზე გამართული ტურნირის ჩემპიონი გახდა.
ალკარასმა მსოფლიოს მე-10 ჩოგნის წინააღმდეგ მაღალი დონის თამაში აჩვენა და მეტოქეს 97 წუთში აჯობა.
ეს ესპანელისთვის მიმდინარე სეზონში ATP-ის ტურნირებზე მოპოვებული მე-4 ტიტულია. აღსანიშნავია, რომ მან ვენაში ჩატარებული ხუთივე შეხვედრა სეტის წაუგებლად მოიგო, მათ შორის ნიკოლოზ ბასილაშვილთან, რომელსაც მე-2 სეტში დაძაბულ ტაიბრეიკში აჯობა.
ვენაში მოპოვებული ტიტულით ალკარასმა ATP 500-ის კატეგორიის ტურნირებზე სეზონი იდეალური შედეგით - 16 გამარჯვებითა და 0 მარცხით დაასრულა. აღნიშნული მაჩვენებელი მოიცავს დოჰასა და ტოკიოში მოპოვებულ ტიტულებსაც.
23 წლის ესპანელს ATP 500-ის კატეგორიის ტურნირებზე ზედიზედ 26 მატჩი აქვს მოგებული. ამ დონის შეჯიბრებებზე მას 2025 წლის აპრილის შემდეგ არ წაუგია, როდესაც ბარსელონის ტურნირის ფინალში ჰოლგერ რუნესთან დამარცხდა.
ალკარასი ATP 500-ის კატეგორიის ტურნირებზე მოპოვებული ტიტულების რაოდენობით მხოლოდ ლეგენდარულ „დიდ სამეულს“ - როჯერ ფედერერს, რაფაელ ნადალსა და ნოვაკ ჯოკოვიჩს ჩამორჩება.
ATP 500-ის ტურნირებზე ყველაზე მეტი ტიტულის მფლობელები (2009 წლიდან)
