VIDEO: უმნიშვნელოვანესი მოგება ოვერტაიმში - ბარსამ საპლეიოფო ზონაში პოზიციები გაიმყარა

თორნიკე შენგელიას ბარსელონამ, ევროლიგის 34-ე ტურის ეგიდით, მნიშვნელოვანი გამარჯვება მოიპოვა - ერთ-ერთ კონკურენტ ცრვენა ზვეზდას ოვერტაიმით აჯობეს.

ესპანელებმა მეტწილად გუნდური თამაშის წყალობით მოიგეს - უილ ქლაიბერნს 18 ქულა ჰქონდა, იან ვესელის - 14, ხოელ პარას - 13, ტომაშ სატორანსკის - 12, კევინ პუნტერს - 10, ხოლო თოკო შენგელიას - 9 ქულა, 4 მოხსნა, 2 ასისტი.

ქართველის ეფექტიანობის ინდექსმა 15 შეადგინა, მის გუნდში ამაზე უფრო მაღალი შედეგი ჰქონდათ ვესელისა (22) და მატჩის MVP სატორანსკის (24).

ბარსამ ზედიზედ მე-3 თამაში მოიგო, 20 გამარჯვება მოაგროვა და პლეი-ოფის ზონაში პოზიციები საგრძნობლად გაიმყარა. ამასთან, საუკეთესო ოთხეულს - 1-ით, ხოლო მეორეადგილოსან ოლიმპიაკოსს 2 მოგებით ჩამორჩება.

2 აპრილს, კატალონიელებს კიდევ ერთი უმნიშვნელოვანესი მატჩი აქვთ - ასევე კონკურენტ ჟალგირის კაუნასს (20 მოგება) სტუმრად შეხვდებიან.