VIDEO: 1 მოხსნა ორმაგ დუბლამდე - მამუს სოლიდური მატჩი პელიკანსთან
2 სთ წინ · 0 წთ წასაკითხად
-
Aa
+
ფონტის ზომა
სანდრო მამუკელაშვილმა NBA-ის მიმდინარე რეგულარულში ერთ-ერთი გამორჩეული შეხვედრა ჩაატარა და ორმაგ დუბლამდე 1 მოხსნა დააკლდა. აქამდე NBA-ში 11 ორმაგი დუბლი აქვს შესრულებული.
მისმა ტორონტო რეპტორსმა დასავლეთ კონფერენციის მე-11 ადგილოსან ნიუ ორლეანს პელიკანსს 13-ქულიანი სხვაობით მოუგო და სეზონში 41-ე გამარჯვება მოიპოვა - 119:106.
მამუ კანადელთა სასტარტო ხუთეულში არ ყოფილა, თუმცა მოედანზე გატარებულ 21:25 წუთში კარგი სტატისტიკა ჰქონდა - 18 ქულა, 9 მოხსნა, 2 ასისტი. ასევე, აქტივში 1-1 ჩაჭრა და ბლოკიც ჩაიწერა.
ქართველი ბოლო მატჩებში საკმაოდ შედეგიანია - წინა თამაშში, კლიპერსთან 13 ქულა, 7 მოხსნა მიითვალა, ხოლო იქამდე იუტასთან კარიერის მე-4 ყველაზე შედეგიანი შეხვედრა ჩაატარა (23 ქულა, 4 მოხსნა, 2 ასისტი).
73 შეხვედრის შემდეგ, რეპტორსს 41 მოგება აქვს და აღმოსავლეთ კონფერენციის მე-5 ადგილზე იმყოფება.
30 მარტის 02:00 საათზე, NBA-ში ქართველების გუნდები ხვდებიან - მამუს ტორონტო გოგას ორლანდო მეჯიქს მასპინძლობს.
