VIDEO: ზედიზედ მეორედ - კვარას პსჟ ჩემპიონთა ლიგის ფინალშია
2 სთ წინ · 0 წთ წასაკითხად
-
Aa
+
ფონტის ზომა
ხვიჩა კვარაცხელიას პსჟ ჩემპიონთა ლიგის ფინალში ზედიზედ მეორე სეზონში ითამაშებს.
1/2 ფინალური ეტაპის გადამწყვეტ შეხვედრაში, მიუნხენში, პარიზულმა გრანდმა ბაიერნთან 1:1 ითამაშა. მე-3 წუთზე, გუნდი უსმან დემბელემ კვარაცხელიას პასის შემდეგ დააწინაურა.
კვარა პირველია, ვინც ჩემპიონთა ლიგის პლეი-ოფის ზედიზედ 7 შეხვედრაში საგოლე მოქმედება შეასრულა. მონაკოსთან (გოლი), ჩელსისთან (3 გოლი და ასისტი), ლივერპულთან (გოლი და ასისტი) და ბაიერნთან (2 გოლი და ასისტი).
ქართველმა შემტევმა ჩემპიონთა ლიგის მიმდინარე გათამაშებაზე მე-16 საგოლე მოქმედება მიითვალა - 10 გოლი, 6 ასისტი. დემბელემ მე-7 გოლი შეაგდო და 2 ასისტიც აქვს.
ყველა ტურნირის ეგიდით, ხვიჩამ ბოლო 12 შეხვედრაში 11 გოლი და 4 ასისტი შეასრულა. ჯამში 2025-26 წლების საკლუბო სეზონში ჩატარებულ 43 მატჩში 18 გოლი და 10 საგოლე პასი აქვს.
ბაიერნმა ანგარიში 94-ე წუთზე გაათანაბრა - ჰარი კეინმა მიმდინარე ტურნირზე მე-14 გოლი შეაგდო და მხოლოდ 15-გოლიან კილიან მბაპეს ჩამორჩება.
შედეგად, პსჟ-მ ორი მატჩის ჯამში 6:4 გაიმარჯვა, ჩემპიონთა ლიგის ფინალში ზედიზედ მეორედ გავიდა და შეეცდება გახდეს რეალ მადრიდის შემდეგ პირველი კლუბი, რომელიც ამ ტურნირზე ტიტულს დაიცავს. ასევე, რეალის შემდეგ პირველი მოქმედი ჩემპიონია, რომელმაც ფინალის საგზური მოიპოვა.
ჩემპიონთა ლიგის ფინალში, 30 მაისს, ბუდაპეშტის პუშკაშ არენაზე, პარი სენ ჟერმენი ლონდონის არსენალს შეხვდება.
