პსჟ-მ მიუნხენის ბაიერნთან სტუმრად 1:1 ითამაშა და ჩემპიონთა ლიგის ფინალში ზედიზედ მეორედ გავიდა.
უეფა-ს ოფიციალურმა ვებგვერდმა მატჩის საუკეთესო ფეხბურთელად პარიზელთა ცენტრალური მცველი, უილიან პაჩო დაასახელა.
"გამორჩეული დაცვითი პერფორმანსი. მან ყველა ორთაბრძოლა მოიგო, მნიშვნელოვანი ჩაჭრები შეასრულა და პარიზელთა შესანიშნავ დაცვით თამაშში ინსტრუმენტალური იყო", - ასე აფასებს უეფა-ს ტექნიკურ დამკვირვებელთა ჯგუფი ეკვადორელის თამაშს.
პაჩომ 8-დან 7 ორთაბრძოლა მოიგო (6-დან 6 მოედანზე და 2-დან 1 ჰაერში), 4-დან 1 წარმატებული ვარდნა ჰქონდა, 2 ჩაჭრა და 6 ბურთის დაბრუნება მიითვალა, ხოლო ბურთი სახიფათო ზონიდან ასევე 6-ჯერ გამოიტანა.
პსჟ-მ ორი მატჩის ჯამში 6:4 გაიმარჯვა, ჩემპიონთა ლიგის ფინალში ზედიზედ მეორედ გავიდა და შეეცდება გახდეს რეალ მადრიდის შემდეგ პირველი კლუბი, რომელიც ამ ტურნირზე ტიტულს დაიცავს.
ჩემპიონთა ლიგის ფინალში, 30 მაისს, ბუდაპეშტის პუშკაშ არენაზე, პარი სენ ჟერმენი ლონდონის არსენალს შეხვდება.
VIDEO: ზედიზედ მეორედ - კვარას პსჟ ჩემპიონთა ლიგის ფინალშია
