ვინისიუს ჟუნიორმა მადრიდის რეალსა და ბრაზილიის ნაკრებში თავისი ბოლოდროინდელი თამაში კრიტიკულად შეაფასა.
26 წლის ფეხბურთელმა აღიარა, რომ მსოფლიო ჩემპიონატზე ნაადრევად გავარდნამ მასზე ფსიქოლოგიურად მძიმედ იმოქმედა. ტურნირის შემდეგ მან დრო ოჯახთან ერთად დასვენებას დაუთმო და ჩვეულებრივზე ნაკლები ივარჯიშა, რამაც მიმდინარე სეზონის სტარტზე პირდაპირი გავლენა იქონია.
ბრაზილიელმა ვარსკვლავმა ლიონელ მესისა და კრიშტიანუ რონალდუს სტანდარტებზეც ისაუბრა და აღნიშნა, რომ უმაღლეს დონეზე წლების განმავლობაში თამაში ურთულესია:
მხოლოდ კრიშტიანუმ და მესიმ მოახერხეს ამის ამდენი ხნით შენარჩუნება. მეც ადამიანი ვარ, ხშირად ვუშვებ შეცდომებს, მაგრამ ყოველთვის ვცდილობ განვვითარდე. 26 წლის ვარ და ცხოვრებით ცოტა ტკბობაც მჭირდება
გარდა ამისა, ვინისიუსმა დაადასტურა, რომ ზაფხულში სხვა კლუბების მხრიდან არსებულმა ინტერესმა და რეალთან კონტრაქტის გახანგრძლივების რთულმა პროცესმა მის ფსიქოლოგიურ მდგომარეობაზე ცუდად იმოქმედა.
მიუხედავად რთული სტარტისა, შემტევი ოპტიმისტურადაა განწყობილი და გულშემატკივრებს ამშვიდებს. ის იხსენებს, რომ გასულ სეზონშიც დეკემბრამდე მხოლოდ 5 გოლი ჰქონდა, თუმცა წელი 20-ზე მეტი გოლით დაასრულა.
„გადამწყვეტ მომენტში მე ყოველთვის იქ ვარ“, - დამაჯერებლად განაცხადა ბრაზილიელმა.