არსენალის მთავარი მწვრთნელის ასისტენტმა, მიგელ მოლინამ ესპანურ რადიოში სტუმრობისას დაადასტურა, რომ გასულ ზაფხულს ლონდონური კლუბი რეალის ვარსკვლავის, ვინისიუს ჟუნიორის ტრანსფერს სერიოზულად განიხილავდა.
ჟურნალისტის კითხვაზე, მართლა განიხილებოდა თუ არა ბრაზილიელი შემტევის ვარიანტი, 33 წლის მოლინამ გულწრფელად უპასუხა:
რა თქმა უნდა. ცხადია, რეალობას თვალს ვერ ავარიდებ, მისი სახელი ჩვენს მაგიდაზე ნამდვილად იდო
მიუხედავად ლონდონელთა დიდი ინტერესისა, სენსაციური ტრანსფერი არ შედგა. ბრაზილიელმა ვარსკვლავმა მომავალი კვლავ მადრიდულ კლუბს დაუკავშირა და რეალთან კონტრაქტი 2032 წლამდე გაახანგრძლივა.
სატრანსფერო ამბების გარდა, მოლინამ მიკელ არტეტას სამუშაო ეთიკაზეც ისაუბრა:
ის ბაზაზე პირველი მოდის და ბოლო მიდის. ძალიან ინტენსიური და მომთხოვნი ადამიანია. მისი საუკეთესო თვისება ის არის, რომ ფეხბურთელებსა და შტაბის წევრებში მაქსიმალური პოტენციალის გამოვლენას ახერხებს.
