ჩოგბურთის ვარსკვლავმა და მადრიდის რეალის დიდმა გულშემატკივარმა, კარლოს ალკარასმა ჟოზე მოურინიოს გუნდის ცუდი სტარტი შეაფასა.
ბეტისთან და ატლეტიკოსთან ქულების დაკარგვის შემდეგ, რეალი ლიდერ ბარსელონას უკვე 6 ქულით ჩამორჩება.
მათი მატჩების ყურებისას ვიტანჯები, რადგან არასდროს იცი, რა მოხდება. ვფიქრობ, მეტი ინტენსივობაა საჭირო. რეალში დიდი ტალანტები თამაშობენ, მაგრამ ამ ეტაპზე სხვა გუნდები უკეთ გამოიყურებიან. როგორც გუნდმა, მათ მეტი უნდა გააკეთონ
ალკარასის კრიტიკას ლა ლიგის სტატისტიკაც ამყარებს. მიუხედავად იმისა, რომ მოურინიოს გუნდს ცენტრში ფედერიკო ვალვერდესა და ორელიენ ჩუამენის სახით ფიზიკურად უძლიერესი მოთამაშეები ჰყავს, დაფარული დისტანციისა და მაღალი ინტენსივობის მოქმედებების მაჩვენებლით რეალი ჩემპიონატში ბოლო ადგილზეა.
ახლა სანაკრებო პაუზა მოურინიოსთვის საუკეთესო შანსია, რათა სტრუქტურული პრობლემები გამოასწოროს და სატიტულო რბოლაში ბარსელონასთან სხვაობა კიდევ უფრო არ გაიზარდოს.
