ზაფხულის პირველ ტესტ-მატჩში საქართველო ირლანდიასთან დამარცხდა

ზაფხულის პირველ ტესტ-მატჩის საქართველოს რაგბის ნაკრებმა მიხეილ მესხის სახელობის სტადიონზე ირლანდიას უმასპინძლა.

შეხვედრა სტუმრების გამარჯვებით 5-34 დასრულდა, პირველ ტაიმში ირლანდიელებმა ორი ლელო დადეს - ო'ბრაიენმა დუბლი შეასრულა, გარდასახვები კი ზუსტად პრენდერგასტმა მიითვალა.

პირველი ტაიმის ბოლოს ლელო ბორჯღალოსნებმაც დადეს, 5-14 ანგარიში ჯალაღონიამ გახადა.

მეორე ტაიმში ირლანდიელებმა 20 უპასუხო ქულის დაგროვება მოახერხეს - ლელოები კეისიმ და ტიმოუნიმ დადეს, 2-2 გარდასახვა და ჯარიმა კი ზუსტად პრენდერგასტმა შეასრულა.

საქართველოს ნაკრები მომდევნო ტესტ-მატჩს 12 ივლისს სამხრეთ აფრიკული ფრენჩაიზის, ჩითასის წინააღმდეგ ჩაატარებს, 19 ივლისს კი თავად სამხრეთ აფრიკის ნაკრებს დაუპირისპირდება.