მილანის მფლობელთა მრჩეველის, ზლატან იბრაჰიმოვიჩის აზრით, მსაჯს ტეო ერნანდესი უნდა დაენდო.
ფეიენოორდთან მატჩის მეორე ნახევარში არბიტრმა ფრანგ მცველს მეორე ყვითელი სიმულაციის გამო უჩვენა და მოედნიდან გააძევა, რის შემდეგაც მილანმა უპირატესობა ვერ შეინარჩუნა და ჩემპიონთა ლიგას დაემშვიდობა.
„იმედგაცრუებულები და გაბრაზებულები ვართ. მსაჯი ტეოს მეორე ყვითლის მიცემისას ზედმეტად მკაცრი იყო. სიმულაცია? ის მსახიობი არ არის. ტეოს გაძევებამ თამაში შეცვალა.
ბევრად მეტის გაკეთება შეგვეძლო, ფეიენოორდი ჩვენზე უკეთესი არ ყოფილა. საკუთარი თავი თავად გავწირეთ." - აღნიშნა მილანის ექს-ფეხბურთელმა.
