„ზოგჯერ არც ისე კარგი იყო", - ფლიკმა ბარსას ახალწვეული დაიწუნა

ბარსელონას მთავარმა მწვრთნელმა, ჰანსი ფლიკმა კატალონიურ კლუბში თავდამსხმელ კარიმ ადეიემის დებიუტი შეაფასა.

გერმანელი ფორვარდი მოედანზე ბირმინგემთან ამხანაგურ მატჩში გამოვიდა (2:2, პენალტების სერიაში 2:3).

„კარიმის ზოგიერთი მოქმედება არც ისე კარგი იყო. ვფიქრობ, მას ბევრად მეტის ჩვენება შეუძლია, თუმცა ახლა მხოლოდ მისი ვარჯიშების პირველი კვირა მიმდინარეობს, ასე რომ, ეს ნორმალურია.

ვარჯიშებზე უფრო ძლიერ კარიმს ვხედავდი - თავისი სიჩქარითა და შეტევების დაგვირგვინების უნარით. მას დიდი პოტენციალი აქვს და გუნდისთვის ბევრის მოტანა შეუძლია“, - განაცხადა ფლიკმა.

გერმანიის ნაკრების შემტევი ბარსელონას ამ ზაფხულს, დორტმუნდის ბორუსიადან, 22+7 მილიონ ევროდ შეუერთდა.