2026 წლის მსოფლიო ჩემპიონატის შესარჩევი ეტაპის შეხვედრაში, საქართველოს ეროვნულმა გუნდმა ესპანეთს დინამო არენაზე უმასპინძლა და 0:4 დამარცხდა.
ჩვენმა ნაკრებმა ესპანეთთან ისტორიაში მე-10 ურთიერთშეხვედრა გამართა - 1 მოგება და 9 წაგება.
აღსანიშნავია, რომ კონკრეტულად ვილი სანიოლის ხელმძღვანელობით, ჯვაროსნები ფურია როხას მეშვიდედ შეხვდნენ და მეშვიდედ დამარცხდნენ, ბურთების საერთო შეფარდება - 4:26.
ესპანელებმა დღევანდელ მატჩში ანგარიში დაწყებიდან 11 წუთში, მიკელ ოიარსაბალის მიერ ზუსტად შესრულებული პენალტით, გახსნეს. საჯარიმო მოედანზე ხელით გოჩოლეიშვილმა ითამაშა.
22-ეწუთზე, შესანიშნავად გათამაშებული კომბინაციის შემდეგ, პირენეელებმა ცენტრფორვარდის პოზიციაზე მარტინ სუბიმენდი გაიყვანეს და მანაც შეტევა სათანადოდ დაასრულა. საგოლე პასი ფაბიან რუისმა შეასრულა.
35-ეწუთზე, ჩვენი გუნდის დაცვის მარჯვენა მხარე შეცდა, რასაც ოიარსაბალის გარღვევა და ფერან ტორესზე გაკეთებული საგოლე გადაცემა მოჰყვა.
63-ეწუთზე, ოიარსაბალმა და ტორესმა როლები გაცვალეს და ამჯერად ფერანის გადაცემის შემდეგ მიკელმა თავით შეაგდო.
შესარჩევი ეტაპის 5 ტურის შემდეგ, საქართველოს ნაკრებს 3 ქულა აქვს და ბოლოსწინა, მე-3 ადგილზეიმყოფება - ბოლოზე უქულო ბულგარეთია.
სანიოლის გუნდი მომდევნო თამაშს, 18 ნოემბერს, ბულგარეთის დედაქალაქ სოფიაში ადგილობრივ ნაკრებთან ჩაატარებს.
