10 აგვისტო - ქართველი სპორტსმენების განრიგი

10 აგვისტოს პარიზის ოლიმპიადაზე 5 ქართველი სპორტსმენი წარსდგება.

თავისუფალ ჭიდაობაში 3 ფალავნის ასპარეზობას ვიხილავთ. -65 კგ. წონით კატეგორიაში გოდერძი ძებისაშვილი 1/8 ფინალურ ეტაპზე სომეხ ვაზგენ ტევანიანს დაუპირისპირდება.

-97 კგ. წონით კატეგორიაში გივი მაჭარაშვილი სამხრეთ აფრიკელ ნიკოლაას იოჰანეს დე ლანგეს შეხვდება.

შეხვედრები 13:00-დან დაიწყება, ძებისაშვილის ბრძოლა რიგით მე-3 იქნება, მაჭარაშვილის კი - რიგით მე-5.

20:15-დან დაიწყება ფინალური ბლოკი, სადაც გენო პეტრიაშვილი ოქროს მედლისთვის ბრძოლაში ირანელ ამირ ჰოსეინ ზარეს დაუპირისპირდება. ქართველის ბრძოლა ფინალურ ბლოკში რიგით მე-12 იქნება.

ძალოსნობაში 2 ქართველი იასპარეზებს. 13:30-დან -102 კგ. წონით კატეგორიაში ირაკლი ჩხეიძე შეეცდება წარმატების მიღწევას.

22:30-დან კი +102 კგ. წონით კატეგორიაში ლეგენდარული ლაშა ტალახაძე იბრძოლებს მე-3 ოლიმპიური ოქროსთვის.

წარმატებები ქართველ სპორტსმენებს!