22 წლის შემდეგ პირველად თბილისში ევროტურნირის ჰიმნი გაისმება - 22 ოქტომბერს იბერია 1999 მიხეილ მესხის სახელობის სტადიონზე შვედურ მიალბის დაუპირისპირდება. დღევანდელ ბლოგში კი 10 მიზეზს გეტყვით, თუ რატომ უნდა მოხვიდეთ სტადიონზე.
1. პირველი მიზეზი სწორედ ისაა, რაც ზემოთ გითხარით, ქართველი გულშემატკივარი ევროთასებზე დაბრუნებას 22 წელი ელოდა, და ეს დროც დადგა, იბერიამ ეს შეძლო - ახლა შენი ჯერია.
2. ქალაქის გუნდის თამაშებზე სიარული საფეხბურთო კულტურის განვითარების უმნიშვნელოვანესი ნაწილია, და თუ გსურს რომ შენს ქალაქში თუ რეგიონში საკლუბო ფეხბურთი წარმატებული გახდეს ამაში წვლილი შენც უნდა შეიტანო.
3. კონფერენს ლიგაზე წინ კიდევ 7 თამაშია - სახლის თამაშები კი ყოველთვის ძალიან მნიშვნელოვანია. იბერიას შენი გულშემატკივრობა სჭირდება!
4. მართალია ოქტომბერია, თუმცა საღამოს ოჯახთან, მეგობრებთან თუ საყვარელ ადამიანთან ერთად სტადიონზე წასვლისთვის მაინც მშვენიერი ამინდებია.
5. 22-ში გაქვს ისტორიული შანსი, ქართული საკლუბო ფეხბურთის ისტორიაში პირველად ნახო ტიფო - ანუ გულშემატკივართა მიერ მოწყობილ მასშტაბური ვიზუალური სანახაობა, რასაც უმეტესად მხოლოდ ტელევიზორში თუ ვხედავთ ხოლმე.
6. ნახე ქართული ფეხბურთის ამომავალი ვარსკვლავი გავარსკვლავებამდე - ანდრია ბართიშვილი მალე არსენალს შეუერთდება, შენ კი გაქვს შანსი დაიკვეხნო, რომ მისი თამაშები წლების წინ ცოცხლად გინახავს.
7. ჩვენი მეტოქე მიალბი საკმაოდ ცუდ ფორმაშია - 23 ტურის შემდეგ შვედეთის ჩემპიონატში მე-12 პოზიციას იკავებს და ბოლო ხუთ მატჩში მოუგებელია. თბილისში ბიჭებს ამ შანსის გამოყენებაში უნდა დავეხმაროთ.
8. სტადიონზე გულშემატკივრის ყოფნა რომ გუნდის შედეგებზე აისახება არახალი ამბავია. ამას სტატისტიკაც ამტკიცებს - მასპინძელი გუნდები საშუალოდ 58.6%-ს იგებდნენ შინ ჩატარებულ შეხვედრებში, როდესაც მატჩებს გულშემატკივრები ესწრებიან.
9. იცი თუ არა რომ ევროპა ლიგასა და კონფერენს ლიგას იგივე ჰიმნი აქვთ - კი ეს შენი შანსია ეს ლეგენდარული ჰანგები ცოცხლად მოისმინო. ო ო ო ო ო ოოოოო ოო ო ო ო.
10. და ბოლოს, რამდენჯერ ხარ ნამყოფი ევროტურნირის ფინალური ეტაპის მატჩზე? მით უმეტეს შენს ქალაქში?
შეგახსენებთ, რომ იბერია 1999-ისა და მიალბის შეხვედრა 22 ოქტომბერს, 20:45-ზე მიხეილ მესხის სახელობის სტადიონზე გაიმართება - ბილეთების შეძენა კი tkt.ge-ზე უკვე შეგიძლიათ.
ბილეთები შეიძინეთ აქ
