2025-26 წლების სეზონში ყველა ტურნირზე ჰარი კეინმა უკვე 20 გოლი გაიტანა.
ინგლისელ თავდამსხმელს ამ შედეგისთვის 12 მატჩი დასჭირდა, რაც ნამდვილად საოცარი ფაქტია.
შედარებისთვის კეინმა კრიშტიანუ რონალდუსა და ლიონელ მესის შედეგი გააუმჯობესა. პორტუგალიელმა 2014-15 წლების სეზონში 20 გოლის გატანა 13 მატჩში შეძლო, არგენტინელმა კი 20 გოლი სამ სხვადასხვა სეზონში 17 თამაშში მიითვალა.
კეინს ჩემპიონთა ლიგის 3 ტურში 5 გოლი დაუგროვდა. ინგლისელმა კლუბსა და ნაკრებში ზედიზედ 10 მატჩში გაიტანა გოლი და ამ სეზონში ბაიერნის 12 შეხვედრიდან 11-ში თავი გამოიჩინა, თუმცა იმ თამაშში, რომელშიც ვერ გაიტანა, 2 საგოლე გადაცემა გააკეთა.
VIDEO: კეინის მორიგი გოლი - ბაიერნმა ბრიუგე გაანადგურა
