საქართველოს ეროვნულმა ნაკრებმა, 2026 წლის მსოფლიო ჩემპიონატის შესარჩევ ეტაპზე, ესპანეთთან 0:2 წააგო. გოლები იერემი პინოსა და მიკელ ოიარსაბალის ანგარიშზეა.
სხვაობა უფრო დიდი შეიძლებოდა ყოფილიყო, რომ არა გიორგი მამარდაშვილი, რომელმაც ფერან ტორესს პენალტი აუღო.
აღსანიშნავია, რომ საქართველოს ნაკრების მეკარეებს თამაშიდან თერთმეტმეტრიანი 2021 წლის 2 ივნისის შემდეგ, 46 შეხვედრა არ ჰქონდათ მოგერიებული - მაშინ ეს რუმინეთთან ამხანაგური მატჩისას მოხდა, როცა კარში ლაზარე კუპატაძე იდგა და რაზვან მარინმა 11 მეტრიდან ზედა ძელს გადააცილა.
მას შემდეგ, ჩვენმა გუნდმა, ყველა ტურნირის გათვალისწინებით, 46 თამაში გამართა და 6-დან 6 თერთმეტმეტრიანი გაუშვა.
