ხვალიდან 22 მარტის ჩათვლით, უნივერსიტეტის ქუჩაზე მდებარე თბილისი არენაზე, ჯუდოს თბილისის დიდი სლემი გაიმართება.
ტურნირის 1-ელ დღეს, ტატამზე -60 კგ.; -66 კგ. მამაკაცები და -48 კგ.; -52 კგ. და -57 კგ. ქალები გამოვლენ. ქართველთაგან -60 კგ. წონით კატეგორიაში ლუკა გადელიას, გიორგი ჩანქსელიანსა და მათე გოგობერიშვილს ვიხილავთ; -66 კგ. წონით კატეგორიაში თორნიკე მაზიაშვილი, თორნიკე გიგაური, თემურ ნოზაძე და ლაშა ნადირაძე იასპარეზებენ; -48 კგ. წონით კატეგორიაში - მარიამ ზაქარაია და თამარ გიგოლაევი; -52 კგ. წონით კატეგორიაში - ელენე გვაზავა და ნინო თათრიშვილი; ხოლო -57 კგ. წონით კატეგორიაში - სოფიო ბედოშვილი და ნინო ლოლაძე.
ჩვენი ნაკრები გათამაშებაზე 42 სპორტსმენით იქნება წარმოდგენილი. უნდა ითქვას, რომ მწვრთნელები რამდენიმე ლიდერს ასვენებენ, რისი მიზეზიც 16-19 აპრილს ასევე თბილისში გასამართი ევროპის ჩემპიონატია.
ტურნირში 24 ქვეყნის 172 სპორტსმენი მონაწილეობს, მათ შორის, 94 კაცი და 78 ქალი.
Adjarabet Arena გათამაშებაზე აკრედიტებულია და მიმდინარე მოვლენებს ოპერატიულად, თბილისი არენადან მოგაწვდით.
ასევე: "გვყავს ჯუდოკები, რომლებსაც თავიანთი სიტყვის თქმა შეუძლიათ" - გუჯეჯიანი თბილისის დიდ სლემზე
