საქართველოს ხელბურთის ნაკრებმა, 2027 წლის მსოფლიოს ჩემპიონატის საკვალიფიკაციო ეტაპის ეგიდით, ისრაელს თელავის სპორტის სასახლეში უმასპინძლა და 3-ბურთიანი სხვაობით დამარცხდა.
პირველი ტაიმი ჩვენი ხელბურთელების სასარგებლოდ ანგარიშით 16:15 დასრულდა, თუმცა მეორე ნახევარი ისრაელელებმა უკეთესად ჩაატარეს და შეხვედრა 32:29 მოიგეს.
ორივე გუნდის რიგებში გამორჩეული იყო გიორგი ცხოვრებაძე, რომელმაც 12 გოლი გაიტანა.
ისრაელში მიმდინარე პროცესების გამო, საპასუხო შეხვედრაც საქართველოში ჩატარდება, ოღონდ, ნომინალური მასპინძელი ისრაელი იქნება - 21 მარტს, კვლავ თელავის სპორტის სასახლეში.
