საქართველოს სუმოს ნაკრებმა ევროპის თასზე 6 მედალი მოიპოვა.
ესტონეთის ქალაქ ვინნიში გამართულ სუმოს ევროპის თას West Viru Open 2026-ზე, ჩვენმა გუნდმა 2 ოქროს, 2 ვერცხლისა და ამდენივე ბრინჯაოს მედალი მოიგო.
ჩემპიონობა ნიკოლოზ აქუბარდიამ (-70კგ.) და ლუკა ბერიძემ (-77 კგ.) იზეიმეს, ვიცე-ჩემპიონები დავით აქუბარდია (-100 კგ.) და ზურა წიქორაძე (+115 კგ.)
+115 კგ. წონითი კატეგორიის გარდა, წიქორაძემ აბსოლუტურ წონით კატეგორიაშიც იასპარეზა და ბრინჯაოს მედალი დაისაკუთრა. ამავე სინჯის მედალს დაეუფლა საბა გამთენაძე (-115 კგ.).
