„აბსოლუტური გარანტიით შემიძლია გითხრათ", - ფაბრიციო რომანო ოლისეზე და რეალზე წერს

როგორც იცით, გასულ კვირას ფლორენტინო პერესი რეალის ფანებს ვარსკვლავზე შეთავაზების გაკეთებას დაპირდა.

პერესის თქმით, თუ ის საპრეზიდენტო არჩევნებს მოიგებდა, კრიშტიანუ რონალდუს, დევიდ ბექჰემის და ზიდანის მსგავსი გალაქტიკოს ტრანსფერზე გააკეთებს მინიმუმ 150-მილიონიან შეთავაზებას. პრესამ უმალვე დაიწყო ფიქრი, ვინ იქნებოდა - ზოგმა ვიტინია თქვა, ზოგმა ჟოაო ნევეში. თუმცა, საბოლოოდ შეთანხმდნენ, რომ ეს ფეხბურთელი ბაიერნის შემტევი მაიკლ ოლისეა. მართალია, პრეზიდენტმა მისი სახელი საჯაროდ უარყო, თუმცა მაინც.

საბოლოოდ, რეალმა შეთავაზება ატლეტიკოს ფორვარდის, ხულიან ალვარესის თაობაზე გააკეთა, თუმცა უარი მიიღო. 

ფაბრიციო რომანო კი ამბობს, რომ თავდაპირველი გეგმა სწორედ ოლისე იყო:

აბსოლუტური გარანტიით შემიძლია გითხრათ, რომ ფლორენტინო პერესის განზრახვა მაიკლ ოლისეს ტრანსფერზე მუშაობა იყო. ეს რეალშიც დამიდასტურეს. თუმცა, ბაიერნმა კარი როგორც პირად საუბრებში, ისე საჯაროდ სრულად ჩაკეტა და არანაირ მოლაპარაკებებში შესვლა არ ისურვა. ამის შემდეგ რეალმა სხვა ვარიანტების განხილვა დაიწყო და არჩევანი ხულიან ალვარესზე შეაჩერა.