აჭარაბეთ არენა ლუდოგორეცთან მატჩისთვის ემზადება

დღეს ბათუმში, აჭარაბეთ არენაზე ჩემპიონთა ლიგის პირველი საკვალიფიკაციო ეტაპის განმეორებითი მატჩი გაიმართება.

საქართველოს ჩემპიონი დინამო ბათუმი ბულგარულ ლუდოგორეცს დაუპირისპირდება და შეეცდება პირველ შეხვედრაში დაფიქსირებული ჩამორჩენა აღმოფხვრას.

რაზგრადში გამართულ დაპირისპირებაში ლუდოგორეცმა 3-1 იმარჯვა და მეორე მატჩის წინ უპირატესობა მოიპოვა, თუმცა ყველაფერი წინაა და ბათუმური გუნდი შეეცდება, რომ სცენარი თავის სასარგებლოდ შემოაბრუნოს.

დინამო ბათუმის ოფიციალური გვერდის ცნობით, თამაშზე დასასწრები ბილეთების 90% უკვე გაყიდულია.

შეხვედრა აჭარაბეთ არენაზე 21:00-ზე დაიწყება, 2 საათით ადრე კი სტადიონზე არსებული ყველა შესასვლელი გაიღება.