ალ ნასრმა დურანი აირჩია - ასტონ ვილა დიდ თანხას მიიღებს

The Athletic-ის ჟურნალისტის, დევიდ ორნშტეინის ცნობით, მხარეებს შორის შეთანხმება შედგა და ჯონ დურანი კარიერას ალ ნასრში გააგრძელებს.

ასტონ ვილა კოლუმბიელი შემტევის სანაცვლოდ 77 მილიონ ევროს + ბონუსებს მიიღებს, მოთამაშე კი ახალ კლუბთან 5.5-წლიან კონტრაქტს გააფორმებს.

21 წლის დურანი სამედიცინო შემოწმებას ლონდონში გაივლის და ხელშეკრულების გასაფორმებლად საუდის არაბეთში შემდეგ გაემგზავრება.

ეს ტრანსფერი კი იმას ნიშნავს, რომ ვიქტორ ბონიფასი ლევერკუზენში დარჩება და ალ ნასრში აღარ გადავა. არაბულ კლუბს არჩევანი სწორედ ამ ორ მოთამაშეს შორის ჰქონდა და შეთანხმებაც ორივე მხარესთან არსებობდა, თუმცა საბოლოოდ მათ კოლუბმიელი აირჩიეს.