ჩაბი ალონსომ კილიან მბაპე მადრიდის რეალის ლიდერად დაასახელა.
- ელოდით მბაპესგან ასეთ დონეს?
საკლუბო მუნდიალზე ის გასტროენტერიტის გამო ფორმაში ვერ იყო. ნაბიჯ-ნაბიჯ მივყვებოდით, ერთმანეთს ვეჩვეოდით. კილიანს თამაშის დეტალებში გარკვევა ძალიან მოსწონს.
შემდეგ კი, ის ყველაფერს ინდივიდუალურ მაგიას ამატებს. მარტო მბაპეზე არ ვამბობ, ვინისიუსზეც, როდრიგოზეც - ჩვენ გუნდური მუშაობა გვჭირდება, რათა ამ ფეხბურთელებმა სხვაობის შექმნა შეძლონ. ჩემი დამსახურება ამაში არაფერია.
- გუნდის შიდა გასახდელში მბაპეს სახით ლიდერს ხედავთ?
ცალსახად. ხასიათით, გამოცდილებით... ის ერთ-ერთი იმათთაგანია, ვინც თანაგუნდელებს იყოლიებს. როცა გუნდი ფორმირდება, ვიღაცა მას წინ მიუძღვება და კილიანი სწორედ ასეთი ფეხბურთელია.
- აქვს თუ არა მბაპეს მღელვარება, რომ ჩემპიონთა ლიგა ამ დრომდე არ მოუგია?
არა, მღელვარება არ აქვს. ჩვენი პროექტი ჯერ ახლა იწყება. ერთ-ერთი მიზანი - ჩემპიონთა ლიგის მოგებაა, რაც მალე, მით უკეთესი.
კილიანი ამ გზის და პროექტის მნიშვნელოვანი ნაწილია, მაგრამ მას მღელვარებას და ნერვიულობას ვერ ვატყობ. დღეს იმაზე ვლაპარაკობდით, თუ რას ნიშნავს ჩემპიონტა ლიგა, მაგრამ არა პირდაპირ მაისს, არამედ ხვალინდელ თამაშს განვიხილავდით.
