ხულიან ალვარესი ატლეტიკოს მხოლოდ ერთი კლუბისთვის დატოვებს.
როგორც ავტორიტეტული ინსაიდერი მატეო მორეტო იტყობინება, ალვარესი მადრიდში ბედნიერია და ატლეტიკოც ცდილობს მასთან კონტრაქტის გახანგრძლივებას, თუმცა ხულიანისა და დიეგო სიმეონეს ურთიერთობა ცოტა არასტაბილურია.
ფეხბურთელი ყველას ეუბნება, რომ კლუბის შეცვლის შემთხვევაში, მისი პრიორიტეტი ბარსა იქნება, რადგან ესპანეთში დარჩენა სურს.
მას აქვს შემოთავაზება პსჟ-სგან, ასევე არსებობს ვარიანტები საფრანგეთში ან ინგლისში გადასვლისა, თუმცა თავად არგენტინელი მადრიდში თავს კარგად გრძნობს და ერთადერთი კლუბი, რომლის გამოც მზად არის ატლეტიკო დატოვოს - ბარსელონაა.
ბარსელონა გეგმავს, რომ მალე დაუკავშირდეს როგორც მადრიდის ატლეტიკოს, ისე ფეხბურთელის წარმომადგენლებს და შესაძლო ტრანსფერზე ნიადაგი შეამზადოს.
