"ამ ბიჭებთან ერთად ყოფნა და თამაში ყოველთვის სასიამოვნოა" - ხვიჩას მატჩისშემდგომი კომენტარი
2 სთ წინ · 0 წთ წასაკითხად
-
Aa
+
ფონტის ზომა
საქართველოს ნაკრების კაპიტანმა, ხვიჩა კვარაცხელიამ, ბაჰრეინთან ამხანაგურ მატჩში გამარჯვების შემდეგ, შეფასებები გააკეთა.
"პირველ რიგში, ჩემთვის სეზონი დასრულებული არ იყო, რადგან ეს ამხანაგური თამაშები მნიშვნელოვანია, რომ სექტემბრისთვის მზად ვიყოთ და, ვფიქრობ, შეკრება თითოეულმა ფეხბურთელმა ნაყოფიერად გამოვიყენეთ.
ვილიმაც აღნიშნა, როცა მან დამირეკა, ვუთხარი, რომ თუ საშუალება იქნებოდა, ჩამოსვლა და თამაში მინდოდა, რაზეც მიპასუხა, რომ გამოძახებული ვიყავი და ჩემით გადამეწყვიტა, ჩამოვიდოდი თუ არა.
ჩემთვის ნაკრებში ჩამოსვლა, ამ ბიჭებთან ერთად ყოფნა და მოედანზე გასვლა ყოველთვის სასიამოვნოა და ბევრი არც მიფიქრა, ვიცოდი, რომ სეზონის ბოლო თამაში ბაჰრეინთან მექნებოდა", - განაცხადა კვარაცხელიამ.
ხვიჩამ საქართველოს ნაკრების მაისურით 50-ე შეხვედრა ჩაატარა, 23-ე გოლი გაიტანა და ყველა დროის ბომბარდირთა სიაში გიორგი მიქაუტაძეს გაუთანაბრდა (43 მატჩში 23 გოლი) - მათზე წინ მხოლოდ შოთა არველაძეა, რომელსაც 26 გოლი აქვს (61 თამაშში).
რაც შეეხება კიდევ ერთი გოლის ავტორ ლუკა ლოჩოშვილს, მან ჯვაროსანთა რიგებში მე-4 გოლი გაიტანა, მათ შორის 3 ბოლო ერთ წელში შეაგდო - ფარერის კუნძულებთან, ბულგარეთთან და ბაჰრეინთან.
