პარატაეკვონდო - ანა ჯაფარიძე რომის გრან-პრის ჩემპიონი გახდა

იტალიის დედაქალაქ რომში გამართულ პარატაეკვონდოს გრან-პრიზე, საქართველოს ნაკრებმა 2 მედალი მოიპოვა.

-52 კგ. წონით კატეგორიაში, ანა ჯაფარიძემ ტურნირი შესანიშნავად ჩაატარა, ფინალურ შეხვედრაში თურქ მეტოქეს აჯობა, ჩემპიონი გახდა და ოქროს მედალი მოიგო.

ჩვენს გუნდს კიდევ ერთი მედალი მოუტანა გიორგი ნიკოლაძემ (-70 კგ.), რომელიც 1/2 ფინალურ შეხვედრაში იაპონელ მეტოქესთან დამარცხდა და ბრინჯაოს მედალს დასჯერდა.