"ამ დროს საკუთარ თავს უფრო კარგად იცნობ" - მუსიალა რეაბილიტაციაზე

ჯამალ მუსიალამ თავისი ტრავმისა და რეაბილიტაციის გზის შესახებ ისაუბრა.

„მე ისევ ცოცხლად ვგრძნობ თავს. ტრავმას დიდ სასწავლო ეტაპად ვუყურებ. ამ დროს საკუთარ თავს უფრო კარგად იცნობ და ყველაზე მეტად სწორედ მაშინ ხარ გამოცდილი. რეაბილიტაცია სასიამოვნო არ არის. ყოველი ვარჯიში თითქოს წინაზე უფრო რთულია.

რაც უნდა გააკეთო, არის დაბრუნდე საუკეთესო ფიზიკურ ფორმაში და კიდევ უკეთესი გახდე, ვიდრე ადრე იყავი. როგორც ყველაფერი წარიმართა, უკეთესად თავს ვერ ვიგრძნობდი. მინდორზე ყოფნა ძალიან მიყვარს. თამაშების ყურება სრულიად განსხვავებული შეგრძნებაა, ვიდრე მოედანზე ყოფნა.

ასეთი ტრავმის შემდეგ ამას კიდევ უფრო აცნობიერებ. ახლა ჩემთვის ახალი თავი იწყება, ახალი ნომრით. ბავშვობაში ჩემი საყვარელი ფეხბურთელი რობენი იყო, ნომერი 10.

ამ ნომრის ტარება დიდ პასუხისმგებლობას ნიშნავს. იმედი მაქვს, დავბრუნდები როგორც უკეთესი ფეხბურთელი.“ - განაცხადა ბაიერნის ათიანმა.

ჯამალ მუსიალა ივლისში, მსოფლიო საკლუბო ჩემპიონატზე მიღებული მძიმე ტრავმის შემდეგ მოედანს ბუნდესლიგის გასულ ტურში დაუბრუნდა.