„ამ ფეხბურთელში ხუანიტოს სულია", — არბელოას კომენტარი სელტასთან მოგების შემდეგ

ალვარო არბელოამ ლა ლიგაში სელტასთან მატჩის (2:1) შედეგი შეაჯამა.

„მსოფლიოს საუკეთესო კლუბის 124-ე წლისთავის აღსანიშნავად იმაზე უკეთესი გზა არ არსებობს, ვიდრე ბრძოლა ყველასთან და ყველას წინააღმდეგ. ჩვენ ეს უნდა აღვნიშნოთ.

ყველამ ვიცით, რამდენად რთულია სელტასთან თამაში და ასე იყო ყოველთვის. აქ შემადგენლობაში დიდი დანაკლისით ჩამოვედით. ხაზი უნდა გაესვას ჩვენს აკადემიას და იმ ხასიათს, რომელიც ბიჭებმა გამოავლინეს.

ფედე ვალვერდე განასახიერებს ყველაფერს, რაც რეალის მოთამაშე უნდა იყოს. მასში ხუანიტოს სულია. მან გუნდი საკუთარი ზურგით ატარა.

ჩვენ მოგებისთვის ვითამაშეთ, როგორც ამას რეალი ყოველთვის აკეთებს.

ლა ლიგაში ჯერ კიდევ გრძელი გზა გვაქვს გასავლელი, ბევრი ქულის დაგროვება შეიძლება. თითოეული მატჩი ბრძოლა იქნება. დღევანდელი თამაშისთვის შექებას ვიმსახურებთ. ძალიან კმაყოფილი ვარ გულშემატკივრებით, რომლებიც ჩვენს მხარდასაჭერად მოვიდნენ და სტიმულს გვაძლევდნენ.

იმედი მაქვს, რომ ამ გამარჯვებას გავიხსენებთ, თუ ლა ლიგას მოვიგებთ. მას ისეთ გზაზე გამოვყავართ, რომელსაც ყოველთვის გვინდა მივყვეთ. ეს რეალია – გუნდი, რომელსაც სჯერა და იბრძვის. იმედი მაქვს, ეს მომენტი გარდამტეხი გახდება“, – განაცხადა რეალის მთავარმა მწვრთნელმა.