ერთა ლიგის მე-3 ტურის ეგიდით, უნგრეთთან გასვლითი მატჩის წინ, საქართველოს ნაკრების მცველმა, ოთარ კაკაბაძემ პრესკონფერენციაზე შეფასებები გააკეთა.
"როცა დებიუტი მქონდა, ვერ წარმოვიდგენდი, რომ საქართველოსთვის 80 შეხვედრა შეიძლებოდა მეთამაშა. ვამაყობ, რომ ჩვენი ნაკრებისთვის წლების განმავლობაში ასეთი მნიშვნელოვანი ფეხბურთელი ვიყავი.
დაღლილობაზე ვერ დავიწუწუნებთ, რადგან ყველა ნაკრებს ამის პრობლემა აქვს. ხვალ ვინ ითამაშებს და ვინ - არა, ჯერ არ ვიცით.
ვთვლი, რომ უკრაინასთან ქულაზე მეტს ვიმსახურებდით, რადგან მათზე უკეთესად ვითამაშეთ.
რაც შეეხება ჯგუფს, ცუდად დავიწყეთ და ყველა მეტს ელოდა. ჩვენც ძალიან დიდი სურვილი გვაქვს, რომ მაღალი პოზიცია დავიკავოთ და, ცხადია, ხვალ მოგება გვინდა", - აღნიშნა კაკაბაძემ.
31 წლის მარჯვენაფლანგელის ნაკრებში დებიუტი 11 წლის წინ, 2015 წლის 8 ოქტომბერს, გიბრალტართან შეხვედრისას შედგა, ხვალ თუ ითამაშებს, ჯვაროსნების მაისურით მე-80 მატჩს ჩაატარებს. გოლი არ გაუტანია, აქტივში 7 საგოლე პასი აქვს.
უნგრეთისა და საქართველოს ნაკრებთა შეხვედრა 2 ოქტომბერს, ჩვენი დროით 22:45 საათიდან დაიწყება. პირდაპირი რეპორტაჟი პირველ არხზეა.
რა თქვა სვანაძემ უნგრეთთან მატჩისწინა პრესკონფერენციაზე?
