ანჩელოტი: "არ ვფიქრობ, რომ ამ მატჩს ჩემს მომავალზე გავლენა ექნება"

უეფას ჩემპიონთა ლიგის 1/4 ფინალში არსენალთან საპასუხო მატჩის წინ მადრიდის რეალის მთავარმა მწვრთნელმა, კარლო ანჩელოტიმ პრესასთან ისაუბრა.

"არ ვფიქრობ, რომ არსენალთან თამაში რეალში ჩემს მომავალზე გავლენას იქონიებს. ველოდები ამ მატჩს, ეს ჩემი პირველი დიდი თამაში არ არის და იმედია, არც ბოლო იქნება.

არ ვიცი, შევცვლით თუ არა შედეგს, მაგრამ დარწმუნებული ვარ, რომ ჩვენს მაქსიმუმს გავიღებთ.

იქნება თუ არა რაიმე განსხვავებული? ჩვენ მაღალ ტემპში, პრესინგითა და უპირატესობის კონტროლით თამაშს ვაპირებთ.

უკვე ვიცი, ვინ ითამაშებს, მაგრამ ახლა არ გეტყვით." - განაცხადა იტალიელმა სპეციალისტმა.

რას ფიქრობენ გულშემატკივრები? რეალი VS არსენალი