Relevo-ს ინფორმაციით, ყოველდღიურად კიდევ უფრო და უფრო რეალური ხდება კარლო ანჩელოტის ბრაზილიის ნაკრებში დანიშვნა.
მადრიდის რეალის თავკაცი კლუბს დიდი ალბათობით სეზონის ბოლოს დატოვებს, თუმცა კარიერის დასრულებას არ გეგმავს და თუ გაუთვალისწინებელი არაფერი მოხდა, სელესაოს ნაკრებს ჩაუდგება სათავეში.
მხარეების ამჟამინდელი გეგმაა, რომ ანჩელოტიმ კლუბი სეზონის ბოლოს დატოვებს, თუმცა თუ რეალი 26 აპრილს სამეფო თასის ფინალში დამარცხდება, ხელმძღვანელობამ შესაძლოა მისი გაშვება უმალვე გადაწყვიტოს.
დიდი ალბათობით, მსოფლიო საკლუბო ჩემპიონატზე, რომელიც 14 ივნისს იწყება, რეალს ან ახალი მწვრთნელი ეყოლება, ან დროებითი.
