ანჩელოტი ნეიმარის მუნდიალზე წაყვანას არ აპირებს — ბრაზილიური პრესა

ბრაზილიის ნაკრების მთავარ მწვრთნელს, კარლო ანჩელოტის, 2026 წლის მსოფლიო ჩემპიონატისთვის ნეიმარის გამოძახება გეგმებში არ აქვს.

ამის შესახებ Globo-ს ჟურნალისტი, ანდრე ლოფერდო იტყობინება.

„ანჩელოტი ნეიმარის მუნდიალზე გამოძახებაზე არც კი ფიქრობს. ეს მის გეგმებში არ შედის და არც სურვილი აქვს. მას არ ესმის, რატომაა ამხელა ხმაური ამ თემის ირგვლივ.

მისი შემადგენლობაში შეყვანის მოთხოვნები მხოლოდ იმას უკავშირდება, რასაც ის წარსულში წარმოადგენდა და იმ მოლოდინს, რომ ვიხილავთ ნეიმარს, რომელიც დიდი ხანია აღარ გვინახავს.

თუმცა, ანჩელოტი ბოლო თვეების თამაშს აფასებს — ის, რაც ნეიმარმა ამ პერიოდში აჩვენა, მას საბოლოო განაცხადთან საერთოდ არ აახლოებს.“

აღსანიშნავია, რომ ბრაზილიის მიმდინარე ჩემპიონატის 3 მატჩში 34 წლის ფორვარდის ანგარიშზე 3 გოლი და 1 საგოლე გადაცემაა.