კიმი ანტონელი ბრიტანეთის გრან პრის საკვალიფიკაციო ეტაპის გამარჯვებული გახდა და მიმდინარე სეზონში მეხუთედ მოიპოვა პოულ პოზიცია.
იტალიელმა მრბოლელმა ფერარის პილოტები, შარლ ლეკლერი და ლუის ჰამილტონი, უკან ჩამოიტოვა.
Q3-ის პირველი მცდელობების შემდეგ ანტონელი დროებითი პოულ პოზიციის მფლობელი იყო და თანაგუნდელ ჯორჯ რასელს უსწრებდა.
ჩემპიონატის ლიდერმა საბოლოო წრეზე საკუთარი შედეგი კიდევ გააუმჯობესა და 1:28.111 დააფიქსირა, ხოლო მისმა მეტოქეებმა მისი დროის გადაფარვა ვეღარ შეძლეს.
ლეკლერმა უკეთესი წრის გავლა შეძლო, თუმცა ანტონელის შედეგს მაინც 0.175 წამით ჩამორჩა და მე-2 ადგილი დაიკავა. ლუის ჰამილტონი კი საკუთარ საშინაო გრან პრიზე მე-3 პოზიციიდან დაიწყებს რბოლას.
რასელი მე-4 ადგილზე დაქვეითდა, ხოლო მე-5 პოზიცია ისაკ ჰაჯარმა მოიპოვა, რომელმაც რედ ბულის საუკეთესო შედეგი აჩვენა. მას კი უკან ლანდო ნორისი მოჰყვა, მაკლარენისთვის ეს საკმაოდ რთული დღე აღმოჩნდა.
მაქს ვერსტაპენმა რედ ბულისთვის მხოლოდ მე-7 ადგილი დაიკავა. ნიდერლანდელი პილოტი მთელი სესიის განმავლობაში აშკარად უკმაყოფილო ჩანდა თავისი RB22-ის მდგომარეობით.
მაკლარენის კიდევ ერთმა მრბოლელმა, ოსკარ პიასტრიმ, მე-8 ადგილი დაიკავა, ხოლო რეისინგ ბულსის პილოტებმა არვიდ ლინდბლადმა და ლიამ ლოუსონმა პირველი ათეული შეავსეს.
სილვერსტოუნის რბოლა 5 ივლისს, 18:00 საათზე დაიწყება.
კიმი ანტონელიმ სილვერსტოუნის სპრინტი მოიგო
